【2023 Rolex新錶預測】
一年易過，Watches & Wonders 2023日內瓦鐘錶與奇蹟錶展又就快開鑼。每年呢個時候最期待就係睇新品預測，好多外國專家同資深錶迷都會「貼」下不同品牌來年會出咩新嘢，呢類預測有人會著重邏輯推理，亦有人純靠感覺，佢哋仲會整埋靚靚構想圖，真係好鬼有誠意。
呢幾日公司上下都係圍繞呢個話題，當中發現呢隻黃金綠圈綠面Submariner Date出鏡好高，兩位腦細亦不約而同瞓身「貼」呢隻，而佢哋解釋又好似幾有紋路喎，不妨同大家開心Share下。
講呢隻錶之前，不如重溫返Rolex近年的發展趨勢。可能大家都留意到，近年勞力士喜歡將同一型號嘅錶分上下線推出市場，上線錶材質主要係用貴金屬；下線則是一般常用的蠔式鋼。至於點樣將上下線區分出嚟呢？主要就係錶面顏色嘞。
舉例隻白金百事圈GMT-MASTER II，以前一直沿用黑色錶面，但後來就將黑面轉為藍面，其後再出返隻一模一樣嘅鋼錶，但就用咗黑色面。經過呢個改動，以後一望錶面顏色就會知道嗰隻係鋼定白金，夠晒一目了然。
講返隻黃金綠圈綠面Submariner Date先，相信好多人都會記得早一兩年停產嗰隻綠圈綠面Hulk，當年佢嘅停產令好多人大跌眼鏡：點解無啦啦將隻咁好賣嘅錶Cut咗？其後換成綠圈黑面嘅Starbuck。
同一套路下，今次呢隻黃金綠圈綠面會唔會又係為咗區別上下線而重生？兩位腦細就講到似曾曾咁，大家又點睇呢？
今年預測除咗呢隻黃金綠圈綠面外，慶祝Submariner誕生70週年嘅鈦金屬版藍水鬼、Daytona 60週年紀念款白金綠圈綠面地通拿，黃金版Explorer同Deepsea亦非常有睇頭，至於當中有幾多款會由天馬行空嚟到現實世界，大家就要拭目以待喇！
Basel One會一直緊貼Watches & Wonders 2023盛況，為大家送上最近鐘錶資訊，敬請期待！
🌸2018-2023正版正貨保證 No Fakes Pledge
🏠實體店交收 安全可靠 Brick-and-mortar Store
🔄歡迎折舊換新 Trade-in
💳信用卡支付Credit Card Payment：💲VISA/MASTER/AE/UnionPay
🔜AE信用卡分期付款 Installment with AE
✈️全球運送服務 Shipping Worldwide
❗️查詢報價 Quotes order or custom enquiries
